Адыгэ Республикэм, Къэрэщэе-Щэрджэс Республикэм, Къэбэртэе-Бэлъкъар Республикэм, джащ фэдэу ахэм якъэлэшхохэм псэупӏэхэм гурыт уасэу ащыряӏэр мыщ ит. Ахэр Урысые Федерацием щылажьэрэ чIыгу-унэ щэн-щэфэн анахь сайт инхэм къахэтхыгъэх.
Республикищым ащыщэу Адыгеир анахь лъапӏэу щыт. Ар къызхэкӏырэр Адыгеим ичӏыгу къалэу Краснодар игъунапкъэу щыти ары ыкIи а къалэм нэбгырэ миллионым ехъу щэпсэу.
Адыгеир
Адыгэ Республикэм псэупӏэ (унэ) плIэмые метрэм гурытымкӏэ уасэу иӏэр бэдзэрымрэ районымрэ ятеплъэ елъытыгъэу сомэ (рубль) 112 000 щегъэжьагъэу – сомэ 147 000 нэс мэхъу (доллар 1345 щегъэжьагъэу - 1765-рэ нэс).
Мыекъуапэ дэт псэупӏэ (унэ) плIэмые метрэм гурытымкӏэ уасэу иӏэр бэдзэрымрэ районымрэ ятеплъэ елъытыгъэу сомэ 120 000 - 140 000 фэдиз мэхъу (доллар 1440 - 1680).
Къэрэщэе-Щэрджэс
Къэрэщэе-Щэрджэс Республикэм псэупӏэ плIэмые метрэм гурытымкӏэ ыуасэ сомэ 90 000 - 108 000 фэдиз мэхъу (доллар 1080 - 1296-рэ).
Къалэу Черкесск псэупӏэ плIэмые метрэм гурытымкӏэ ыуасэ сомэ 97 000 - 108 000 фэдиз мэхъу (доллар 1164 - 1296-рэ) мэхъу.
Къэбэртэе-Бэлъкъар
Къэбэртэе-Бэлъкъар Республикэм псэупӏэ плIэмые метрэм гурытымкӏэ ыуасэ сомэ 87 000 - 90 000 фэдиз мэхъу (доллар 1044 - 1080)
Налшык псэупӏэ плIэмые метрэм гурытымкӏэ уасэр сомэ 85 000 – 100 000 фэдиз мэхъу (доллар 1020 - 1200).
Уасэхэр 2026-рэ илъэсым шышъхьэIум и 25-м агъэкӏэжьыгъэх. А мафэм зы долларым ыуасэ сомэ 83,30-рэ хъущтыгъэ.
Comments
Post a Comment